Andrés Prieto compite en Olsztyn na Copa de Europa de Tríatlon

Andrés Prieto Villar participará mañán sábado día 29 de maio de 2021, nunha das probas da Copa de Europa de Tríatlon, evento que a ETU organiza na localidade polaca de Olsztyn 
https://triathlon.org/events/event/2021_europe_triathlon_cup_olsztyn.
Esta proba foi designada pola Federación Española de Tríatlon como clasificatoria para o Campionato de Europa Júnior de Tríatlon e desenvolverase sobre a modalidade sprint e as distancias de 750 metros de natación, 20 quilómetros de ciclismo e 5 quilómetros de carreira a pé. Precisamente na procura dunha destas prazas europeas anda inmerso Andrés, que o pasado 16 de maio foi 9º absoluto e 8º júnior noutro dos clasificatorios, o Tríatlon Porta de Palmas de Badaxoz. Intenso o mes de maio para o triatleta da AD.Fogar que está a compaxinar a práctica deportiva de tan alto nivel coa súa preparación para a ABAU e as probas de acceso á Blume.