Andrés Prieto foi 14º elite na World Triathlon Cup de Tongyeong

A pasada fin de semana Andrés Prieto Villar desputou a súa terceira proba elite na Copa do Mundo de Tríatlon que se correu sobre a distancia sprint de 750 metros de natación, 20 quilómetros de ciclismo e 5 quilómetros de carreira a pé na localidade coreana de Tongyeong. Andrés callou outra moi boa carreira rematando na 14ª praza final cun tempo total de 51 minutos e 57 segundos, a 43 segundos do gañador da proba, o francés Maxime Hueber. Desta volta o noso tivo que remontar posicións logo de saír da auga na 26ª praza en 8'56'', marcando o 14º mellor tempo no segmento ciclista cun tempo de 26'29'' para contactar co grupo cabeceiro. O esforzo notóuno nas súas pernas e rematou correndo en 15'25'' co 17º mellor tempo de carreira a pé. Andrés Prieto remata a tempada 2025 no posto 107 do ránking europeo e no 196 do ránking mundial. Os resultados de Tongyeong podedes atopalos no apartado de descargas tríatlon desta mesma web.