Andrés Prieto Villar foi 23º elite na Copa de Europa de Alanya

O pasado domingo 15 de outubro Andrés Prieto Villar volvía a competir na localidad turca de Alanya noutra das probas elite da Copa de Europa de Tríatlon sobre a distancia sprint, proba na que rematou noutra moi loitada 23ª praza. Como xa ocorrese hai quince días en Ceuta, Andrés mantívose no grupo cabeceiro nos segmentos de natación e ciclismo e volveu perder posicións nun segmento de carreira no que atopou mellores sensacións que na carreira pasada. Ao final foron 53 minutos e 2 segundos polos 52 minutos e 26 segundos do vencedor, o francés Nathan Grayel. Resultados que podedes atopar no apartado descargas tríatlon desta mesma web. 
Compre subliñar tamén que 4 dos nosos, Alexandre Rodríguez, Rubén Otero, Hugo Souto e Adrián Sancho representarannos no Campionato Galego de Dúatlon CRE a desputar en Vedra o vindeiro sábado día 21 de outubro de 2023.