Así lles foi aos nosos en Quarteira na Copa de Europa de Tríatlon

A pasada fin de semana, Andrés Prieto na proba elite e Adrián Sancho e Hugo Souto na júnior, tomaron parte en Quarteira nunha das citas da Copa de Europa de Tríatlon; Andrés formando parte do Team España que dirixe Javier Gómez Noya e Adrián e Hugo co combinado galego desprazado a Portugal. O sábado Andrés disputou a proba elite sobre a distancia olímpica de 1500 metros de natación, 40 quilómetros de ciclismo e 10 quilómetros de carreira a pé; sector este último onde non aopou a súa mellor versión logo de manterse no grupo cabeceiro nos tramos de natación e ciclismo. 30º posto dos 70 participantes para o noso que rematou a proba en 1 hora 58' e 4'' e segue acumulando experiencia na máxima categoría internacional. O domingo foi o turno dos júniors sobre a distancia sprint de 750 metros de natación, 20 quilómetros de ciclismo e 5 quilómetros de carreira a pé con 70 triatletas en liza. No que aos nosos respecta foron 30º no caso de Hugo logo de 58' e 36'' de carreira e 39º no de Adrián que cruzou a liña de meta en 59' e 25''. Resultados que podedes atopar no apartado de descargas tríatlon desta mesma web.