Pulpí acolle a 2ª edición do Campus Nacional do Programa Amazonas

O Programa Amazonas naceu en 2019 como un programa integral e transversal para o desenvolvemento da muller e a súa evolución dentro do tríatlon feminino mediante a realización de diversas actividades e formacións específicas. Este ano a FETRI ven de convocar, entre outras, á nosa triatleta cadete Alba Otero Losada que tomará parte na Concentración Nacional do programa a desenvolver entre o 4 e o 8 de decembro nas instalacións de TM Grupo Inmobiliario e o Centro de Adestramento da FETRI en Pulpí. Alí as deportistas realizarán adestramentos das tres disciplinas, transicións e traballos preventivos de ximnasio supervisadas en todo momento pola coordinadora do programa, a mellor triatleta nacional da historia, Ainhoa Murua, e pola adestradora do CAR Madrid, Patricia Díaz. Todas as deportistas e adestradoras asistentes á concentración cumprirán cos protocolos marcados polas autoridades sanitarias e mesmo pasarán test COVID previo ao seu desprazamento a Mar de Pulpí. 
PARABÉNS ALBA !!
👏👏👏